لي صالون

صالوون رائع رائع رائع بكل ما تعنيه الكلمة قبل شهر تقريبا طبعا رحنا ميكب عند مريم الخليفي انا وامي واختي والعروسة معانا و ما شاء الله اللهم بارك يدها خفيفه جدا وشغلها بطل يجججننن كل احد سالنا عليه وثابت وتعمل لك نفس ما تبغي ما تغير شكلك وحدة ثانية بالعكس نفسك انتي بس حلوة الميكب ثااابت طول السهرة مع اننا جهزنا على ٤:٣٠ حسب طلبنا الا انه بكينا ومسحنا واكلنا ومسحنا ولازال والله ثابت لليوم الثاني ما احتاست الاوان على بعض ولو عندي زواج كان رحت فيه من ثباته وهذي ميزة كمان بالضبط الوقت اللي حددناه خرجنا عليه مع ان معانا عروسة المهم مشغل فوق الممتاز روحوه بدون تفكير صح والشعر اخترت وحدة كانت في اجازة سوتني وحدة اسمها سمية اعتقد حق قص اصلا لكن ماشاء الله تنلف يدها بحرير نفس اللي ابغاها شكككرا من القلب مريم الخليفي والله صنعتي ذيك الليلة بالنسبة ليا😭❤️ وفي زواجي انتظريني وزواج اخويا كمان استنينا بيت العمودي🤣💖💖💖

صالون ماشاء الله تبارك الرحمن يجنن الستاف جدا جدا رائع سويت حمام مغربي مع مدام بديعة كان اكثر من رائع بسم الله عليها سكراب وكريمات عشة تجربة معها اكثر من ساعة ونص كله دلع في دلع وصبغات مع مدام حنان تفووووز

اول شيء اي اي عروسه حابه انها تدلع في يوم زواجها و تكون مبسوطه من تدخل الصالون لين تطلع تروح لو صالون ايش اقول ايش اخلي من دخلت استقبال و غرفه خاصه ب العرايس ومرتاحه اللى تبغينه يجيك مع اني تاخرت عليهم الا انهم طلعوني في الوقت اللى ابغاه ولاحصل اي تقصير اهتمام عالي 💗💗💗 سويت مكياجي عند مريم الخليفي اخخخ يامريومه اخخخ ايش اقول و ايش اخلي تطلع جمال ملامحك خيال خيااال و هي خياليه لو ماعجبك شيء تعدله و لو خرب شيء كتكوته بالها طويل و معاك لين يزبط ماراح تطلعي الا وانتي راضيه شعري كان عند ميمي ميمي الحب تجنن تجنننن تسوي لي زي ماتبغي واحلا كمان لو ماعجبك تعدل لك بكل حب وانتي جالسه تسوي يجيك اكل وعصير و اللى حابته و يبخرونك ويعطرونك جمال جمالل في التعامل سعر على قد الخدمه كلل الشكر لكم ليلتي كانت جميله بلمساتكم ..💗💗 طبعا زواجي ماكان اول تعامل قد جيتهم قبل و ماراح يكون اخر تعامل

كانت مناسبتي يوم الاحد والحمدلله الف مرا اني اخترت الصالون وحجزت فيه فعلا فعلا كل شي سويتو كان جدا راااائع وومتاز بداية من الاستقبال العسل الين الارتست الرهيبه الفنانه رانيا زمزمي الله يسعدها ويعطيها الف عافيه شغلها يجننن ومافي احد ما مدحو ونظييف الين الاستشوار معا ثريا او بثينه ما افتكر اسمها لكن فنانه كانت الين التسريحه مع الخطيره فاتن يعطيها العافيه على التسريحه الي تجننن وتعامل يجنن وسوتلي زي ما ابغى بالزبط فعلا انصح في الصالون وبقوه وشكرا للاداره على اختيار الموظفين الرائعين👍🏻

صراحه صالون جدا راقي وجميل جيت عملت ميك اب وشعرر عند توفي و الشعر عند حنان صراااحه شي بيرفكتت و اجمل شي عندهم وقت الانتظار تدخل تسوي خدمات اخرى عملت تنظيف يد و رجل عند لورنا و جينني كانو فنانتين صراححه و يسوو الخدمه بكل ححب عاد بنات الاستقبال حقيقي شي راقي و كلامهم يفتح النفس ويخلوكي تحبي المكان اكثرر وانا خارجه حبيت اقابل مديرة الصالون واكتشفت ان كل شي حلوو بسبب تنظيمها جداً رائعه و خلوقهه شكرا لحميده وشكرا لv بيوتي ❤️❤️

انا عروسة و اول مرة ازور الصالون بس شفت حسابهم و كنت اتابعهم على السناب و الانستقرام طبعاً اشكراً الفنانة توفي عاقل على المكياج و حنان حمادي على التسريحة فعلاً شغلهم جميل و مره حلو و كانت طلتي حلّوه و ما انسى طبعاً المبدعة هتون على التصوير الخطير الي الكل سأل عنه عملت فيديو تشويق يجننن الصراحة كل شيء كان حلو بنات الاستقبال الأدارة منال كلهم تعاملهم راقي و ماقصروا شكراً v صالون ابدعتوا ♥️♥️♥️♥️♥️

صالون جدا رائع اول تعامل معاهم واككيد مو اخرر مرا كل شي كان حلو و طلعوني راضيه و مبسووطه شكرا لبشاير ع الاستشوار الفنان و بنات الاستقبال حنين و ساره ذووق شكرا لادارة الصالون على اهتمامها للزباين

امس كانت لي تجربة رائعه جداً في لو صالون مع المبدعه والجميلة أ.الشعر ربى خرساني حرفيه واتقان ولا اروع عملت لي صبغة وتركيب اكستنشين شي خرافي ولا غلطه 👌👌👌 فعلاً نيو لوك ٥ نجوم قليله فيها وخدمات الاستقبال في الصالون ممتاز واحب اثني واشكر أ.أحلام على مساعدتي خلال تواجدي في الصالون 🌹

من افضل الصوالين وتعاملهم ممتاز مع العرايس ومواعيدهم مزبوطه طلبت اني اطلع من الصالون ٣:٣٠ الظهر وطلعوني عل الموعد وتسريحه الشعر مع المبدعه فاطمه ادم وتعاملها راقي وممتازه والمكياج مع الموهوبه سمر محرق الصراحه تجربه مميزه ودقه في المواعيد

بصراحة حابه اشكر الارتيست خلود المالكي مكياج اكثر من رائع وعندها تكنيك عجيب لجعل بشرة الوجة لون واحد وا موحد ماشاء الله تبارك الرحمن ويدها جداً خفيفه مكياجي كان يوم الخميس بتاريخ ١٩/١٠/٢٠٢٣ وعملت ليه ولبنتي ومرة اخويه ماشاء الله تبارك الرحمن على شغلها .. بس أنا انشغلت ومارست تجربتي معاها وهذي المرة الرابعه اللي اجي عندها ماشاء الله تبارك الرحمن .. بالتوفيق خلود المالكي ميك آب ارتيست لي صالون فرح التحليه .. 👏🏽👏🏽👏🏽👏🏽اتمنى لك الشهره العالميه 🌹

زيارتي لصالون جدا رائعه وطلعت اون تايم والتعامل جدا راقي مع ميكب ارتست توفي و الشعر فاطمة واشكر حميدة بتعاملها الراقي معانا وطولت. بالها وابتسامتها لنا ❤️❤️❤️❤️ واكرر طبعا زيارتي لصالون

شكرا شكرا لساره اولاً فالاستقبال و مدام بديعه فنننننننااااانه والله بالحمام المغربي و اخلاقها وتعاملها محترررررمممه مره وشغلها حلووو حلو ❤️❤️يارب يسعدهم كلهم متعاونين والبديكير يجنن بس ماعرف اسمهم مررررره حبيته كلو